د امریکا بهرنیو چارو وزارت د جولای په ۱۹مې نېټې ويلي، چې خارجه وزیر مارکو انټونیو روبیو په همدې ورځ د لبنان له ولسمشر جوسيف اوون سره لیدلي او د امریکا، لبنان او اسرائیل ترمنځ د درې اړخیز چوکاټي تړون د پلي کولو په اړه یې ورسره خبرې کړې دي.
د امريکا بهرنیو چارو وزارت په يوې اعلاميې کې ويلي، چې دواړو خواوو د لبنان د حزب الله د بې وسلې کولو، د دغې ډلې د ” ترهګریزو زېربناوو د ویجاړولو” او په لبنان کې د سولې د رامنځته کولو پر چارو هم بحث کړی دی. روبیو په دغه بحث کې د درې اړخیز چوکاټي تړون د پلي کولو لپاره د امريکا د ملاتړ ډاډ ورکړی دی.
د منځني ختیځ رسنيو خبر ورکړی، چې ټاکل شوې د امریکا ولسمشر ډونالډ ټرمپ د روانې مياشتې په ۲۱مې نېټې په سپینې ماڼۍ کې له جوسیف اوون سره وویني او دا به د ۲۰۲۵م کال په جنورۍ کې د ولسمشرۍ څوکۍ ته د اوون له رسېدو راهيسې د امریکا له ولسمشر سره د نوموړي لومړۍ رسمي لیدنه وي او هم به له ۲۰۰۹م کال راهیسې سپینې ماڼۍ ته د لبنان د مشر لومړی سفر وي.
