ایران وایي امریکا تل هڅه کوله د افغانستان او ګاونډیو ترمنځ یې جنجالونه رامنځ ته کړي. د ایران د بهرنیو چارو وزیر امیر عبداللهیان له افغان لوري سره په خبرو کې ویلي اوس ددې وخت دی چې له افغانستان سره د ټولې سیمې د هېوادونو اړیکې پراخې شي او له دغه هېواد سره په بېلو برخو کې همکاري وکړي.
نوموړي ویلي د امریکا یو سیاست دا و، چې د افغانستان او ګاونډیو هېوادونو ترمنځ واټن ډېر کړي، خو په دې چاره کې بریالي نه شول.
هغه همدا راز ویلي چې امریکا دې په افغانستان کې له خپلو ناکامو تجربو درس واخلي او د نورو هېوادونو په کورنیو چارو کې دې له مداخلې کولو ډډه وکړي.
