بلېنکن په قطر کې له مېشتو افغانانو سره لیدلي

د امریکا دبهرنیو چارو وزیر انتوني بلېنکن د قطر په السیلیه کمپ کې له یو شمېر مېشتو افغانانو سره لیدلي دي. نوموړي د دغو افغان پناه غوښتونکو امریکا ته د قانونی ورتګ له بهیر څخه هم لیدنه کړې ده. سرچینې زیاته کړې، په دغه لیدنه کې د افغانستان لپاره د امریکا سفارت شارژدافیرې مېرمن کرن ډېکر هم حضور درلود. بلنیکن زیاته کړې، چې د افغان پناه غوښتونکو د بیا ځای پر ځای کېدو په موخه په السیلیه کمپ د امریکا متحده ایالاتو او د قطر د ګډو کاري ټيمونو تر منځ د همکارۍ او همغږۍ پر مټ مهم کارونه ترسره کیږي. بلخوا دامریکا د بهرنیو چارو وزارت ویاند نیډ پرایس په یوه ټویټ کې لیکلي چې د قطر او امریکا د ګډې همکارۍ له امله په دې برخه کې نور ډیر کار ته اړتیا ده.