بهر ته د افغانستان په صادراتو کې ډېروالی راغلی دی. د ا.ا یوه ویاند په تازه څرګندونو کې ویلي چې په تېرو دوو اونیو کې لسګونه ټنه وچه مېوه او نور سوداګریز توکي له افغانستان صادر شوي دي. احمد الله وثیق زیاتوي چې په تېرو دوو اونیو کې شاوخوا ۶۹۸ ټنه وچه مېوه له افغانستان اروپايي، عربي او ځينو اسیايي هېوادونو ته صادره شوې ده. سرچینه کاږي چې د صادراتو په کچه کې تر بل هر وخت ډېروالی راغلی دی او دوی هڅه کوي چې بهر ته د صادراتو پروسه لا اسانه کړي او تر څنګ یې لا ډېرو سوداګرو ته د کاروبار او سوداګرۍ زمینه برابره کړي.
د افغانستان نوي حکومت تر دې وړاندې هم ویلي چې په هېواد کې د ډاډمنې پانګونې لپاره زمینه برابروي او د سوداګرو د امنیت لپاره به هر اړخیزه هڅه کوي.
