تېر یوه کال کې ۹ زره کورنۍ بېرته خپلو سیمو ته استول شوې

د کابل د کډوالو چارو ریاست وايي، په تېر یوه کال کې شاوخوا ۹ زره بې ځایه شوې کورنۍ بېرته خپلو سیمو ته استول شوې، خو لا هم ۱۰ زره لا په کابل کې شته دي. د کډوالو چارو رییس مولوي عبدالمتین رحیمزی وايي، دا مهال ۱۰ زره داخلي بې ځایه شوې کورنۍ په کابل کې ژوند کوي چې په خپل وخت سره به دوی هم خپلو سیمو ته انتقال شي. نوموړي وویل، دغه پروسه د ملګرو ملتونو د کډوالو عالي کمېشنرۍ او د کابل د کډوالو چارو ریاست په همغږۍ ترسره کېږي. نوموړی وايي چې پرون یې ۲۱۰ نورې کورنۍ خپلو سیمو ته ولېږدول شوې او هرې یوې کورنۍ ته ۲۰۰ ډالره د تراسپورټ لښګښت هم ورکړل شوی دی. رحیمزی وايي چې له یادو کسانو سره به په خپلو سیمو کې څلور څلور سوه ډالره نوره مرسته هم وشي.