جاپان: له افغانانو سره خپلو مرستو ته دوام ورکوو

د بهرنیو چارو وزارت مرستیال محمد نعیم د جاپان له سفیر تاکايوشي کورمايا سره د خدای پامانۍ ناسته کړې ده. د بهرنیو چارو وزارت د عامه اړیکو رییس ضیاء احمد تکل ويلي، چې دې ناسته کې دواړو لورو د اقتصادي، امنیتي او کلتوري همکاریو پر پراختیا ټینګار کړی دی. همدا راز دې ناسته کې د جاپان سفیر هم افغانستان کې ډاډ من امنیت او د نشه‌يي توکو پر وړاندې د سرپرست حکومت مبارزه ستایلي او ټینګار يې کړی چې جاپان له د افغانانو سره خپلې مرستې دوامداره ساتي. دغه راز محمد نعیم د افغانستان ثبات، د نشه‌يي توکو د کښت او قاچاق مخنیوي، د اداري فساد له منځه وړلو او د زیربنایي پروژو د پلي کېدو په اړه معلومات وړاندې کړي او له نړۍوالې ټولنې یې د مثبت درک غوښتنه کړې ده.