جنرال پتریوس: ښايي امریکا د سرتېرو د ایستلو له پرېکړې په شا شي

یوه پخواني امریکايي نظامي او د سي ای اې پخواني مشر جنرال ډېوېډ پټریوس په یوه مرکه کې ویلي ددې احتمال شته چې په افغانستان کې کورنۍ جګړه رامنځ ته شي. دده په خبره طالبان د حکومت د شریکولو او له سوله ییزو لارو د ستونزو د حل پلان نه لري له همدې امله ددې احتمال شته چې په افغانستان کې کورنۍ جګړه رامنځ ته شي. هغه زیاته کړې چې د جګړې د دوام په صورت کې به امریکا د سرتېرو د ایستلو له پرېکړې تېره شي او په افغانستان کې به د جګړې د ختمولو لپاره اقدام وکړي. نوموړي تمه ښودلې چې د سولې پروسه پایلې ولري او که داسې و نه شي نو امریکا به ډېره ژر پر خپلو پرېکړو پښېمانه شي.