د افغانستان او پاکستان ترمنځ د سولې ګډه جرګه جوړیږي

د راپورونو له مخې، ټاکل شوې چې د افغانستان او پاکستان ترمنځ د سولې ګډه جرګه د مارچ په ۳۱مه په پېښور کې جوړه شي. د پاکستاني رسنیو د راپورونو له مخې، په دې جرګه کې به سیاسي او قومي مشران، دیني علما، مدني فعالان او سوداګر ګډون وکړي او د سولې لپاره به پر مهمو موضوعاتو بحث وکړي. تمه ده د جرګې په پای کې د سولې په ملاتړ یوه ګډه اعلامیه خپره او د دواړو هېوادونو حکومتونو ته وسپارل شي. د دې غونډې موخه د دواړو هېوادونو ترمنځ د باور جوړونه، اوربند ته رسېدل او د ستونزو د حل لپاره د خبرو اترو پیاوړتیا بلل شوې ده.