د سرپرست حکومت چارواکي:د پانګوالو امنیت ته مو لومړيتوب ورکړی

د سرپرست حکومت اداري مرستیال پرون د هېواد له یو شمېر ملي سوداګرو سره په کتنه کې ویلي، چې د افغانستان سرپرست حکومت د سوداګرو امنیت ته لومړیتوب ورکړی دی. ارګ په یوه خبرپاڼه کې ویلي چې په دې کتنه کې سوداګرو په هېواد کې د اقتصادي او سوداګریز وضعیت، کسب او کار په اړه خبرې کړې دي. دوی ویلي چې په تېرو کلونو کې سوداګر او پانګوال د سر او مال له امنیت څخه برخمن نه وو او دې کار د دوی په سوداګرۍ او کسب او کار باندې منفي اغېز کړی و، خو زیاتوي چې د سرپرست حکومت له واکمنۍ سره په هېواد کې بشپړ امنیت راغلی دی او ټول پانګوال په پوره ډاډ د هېواد په بېلابېلو برخو کې پانګونې ته چمتو دي. دوی همدا راز د سرپرست حکومت له مسوولینو څخه وغوښتل چې سوداګرو او پانګوالو ته په بېلابېلو برخو کې د زیاتو اسانتیاوو برابرولو ته ځانګړې پاملرنه وکړي.