د غني عبدالله د ګډ حکومت جوړولو ؛ هوکړې له مخې ۱۰وزارتونو ته د عبدالله وزیران معرفي شول

د ولسمشر غني او عبدالله عبدالله د ګډ حکومت جوړولو هوکړې له مخې، ولسمشرۍ ماڼۍ د جلا فرمانونو له لارې د کابینې د پاتې وزارتونو لپاره لس تنه نوماند او سرپرست وزیران اعلان کړي دي. د ولسمشر ویاند، صدیق صدیقي نن په کابل کې یوې خبري غونډې ته وویل چې دا کسان به ډير ژر ولسي جرګې ته د باور رایې اخیستو لپاره معرفي شي. د نوموړي په خبره، بشیر احمد تینج د کار او ټولنیزو چارو، نثار احمد غوریاني د صنعت او سوداګرۍ، قدرت الله ذکي د ترانسپورت، معصومه خاوري د مخابراتو او معلوماتي ټکنالوژۍ، انورالحق احدي د کرنې، محب الله صمیم د سرحدونو او قبایلو، فضل احمد معنوي د عدلیې او نور رحمان اخلاقي د کډوالو او بیرته راستنیدونکو چاور وزارت د نوماند او سرپرست وزیرانو په توګه ټاکل شوي دي. صدیقي دغه راز ویلي چې د بین الافغاني مذاکراتو پر وړاندې پراته خنډونه لرې شوي او دوی هیله لري چې د افغانانو خپلمنځي خبرې به هم ژر پیل شي.