سږ کال به په ننګرهار کې شاوخوا ۹۰۰ ټنه د زیتونو حاصلات ترلاسه شي. د ننګرهار وادي کرنیز ریاست وایي په دغه ولایت کې د زیتونو د حاصلاتو ټولول پيل شوي دي. ددغه شرکت د مسوولینو په خبره دوی تېره ورځ ددغه ریاست له څلورم فارم شاوخوا ۵۴۸۴ کیلو ګرامه حاصلات راټول شوي چې د پروسس په موخه د زیتونو فابریکې ته وړل شوي دي.
دغه ریاست وایي چې د دوی پر اړوند ۱۷۰۰ هکتاره باغونو یې زیتون کرلي چې تمه کېږي سږ کال به یې د تېر په پرتله حاصلات ډېر وي.
سرچینه وايي سږ کال اټکل کېږي چې شاوخوا ۸۶۵ ټنه حاصلات به له دې باغونو ترلاسه شي چې د تېر کال په پرتله دېرش سلنه ډېروالی ښيي.
