د نورستان او پنجشېر ولایتونه د یو سړک له لارې سره ونښلول شول

د نورستان او پنجشیر ولایتونه د یو سړک له لارې سره ونښلول شول. د نورستان د منډول او د پنجشیر د پریان ولسوالۍ نښلوونکی سړک د یوه مرستندویه بنسټ په مالي ملاتړ د ۱۴ میلیونو افغانیو په لګښت رغول شوی او د پنځو میاشتو په موده کې يې چارې بشپړې شوې دي. سیمه‌ییز چارواکي وايي، د دې سړک له جوړېدو سره به د خلکو په تګ راتګ، سوداګرۍ او د بیړنیو مرستو په رسولو کې مهمې اسانتیاوې رامنځته شي. همداراز، د کونړ او نورستان ترمنځ د ۱۲۰ کیلومتره سړک د جوړولو چارې هم روانې دي، چې تر اوسه یې نږدې ۷۰ سلنه رغنیزې چارې بشپړې شوې دي.