د هیواد په ۱۶ ولایتونو کې د باران او سېلابونو راوتلو اټکل شوی

د هوا پېژندنې ادارې، د چنګاښ میاشتې ۷ او ۸ مه نیټه د هېواد په ۱۶ ولایتونو کې د باران، تېزو بادونو او سېلابونو راوتلو اټکل کړی دی. د هوا پېژندنې ریاست مسوولین وایي، چې نن او سبا په کابل، بدخشان، تخار، بغلان، پنجشېر، نورستان، کونړ، لغمان، کاپیسا، پروان، ننګرهار، سمنګان، میدان وردګ، پکتیا، بامیانو او لوګر ولایتونو کې د سالنګونه په ګډون د بادونو، باران او سېلابونو راوتلو اټکل کړی دی. یادې ادارې په بېلابېلو ساحو کې له ۱۵ تر ۳۵ ملي مترو او دغه راز د بادونو د سرعت کچه په بېلابېلو نقطو کې له ۵۰ تر ۸۰ کیلومتره په ساعت پورې ښودلې ده.