د ژمنيو اسيايي لوبو نهم پړاو د فبرورۍ د ۷مې نېټه په ماښام د چين د هې لونګ جيانګ ولايت په هاربين ښار کې پرانيستل شو. ګن شمېر بهرنيو خبري رسنيو د دغو لوبو په پرانيستونکو مراسمو کې د ګډون پرمهال د په زړه پورې کولتورونو او تېکنالوژيو په اړه حیرانتیا څرګنده کړې ده.
چين د بېجينګ له ژمنيو اولمپيک لوبو وروسته يو ځل بيا سترې نړيوالې ژمنۍ لوبې تر سره کوي، چې د اسيا د ۳۴هېوادونو او سيمو له ۱۲۷۰نه زيات لوبغاړي په کې ګډون کوي او په دې لوبو کې د برخوالو هېوادونو او سيمو د لوبغاړو شمېر د پخوا په پرتله زيات دی. په دې جمله کې د عربي متحده اماراتو، ويتنام، اندونيزيا او ټايلنډ په شمول ځينو داسې هېوادونو هم خپل هیئتونه را ليږلي، چې هلته هېڅ واوره نه کېږي. د چين د دولت رئيس شي جين پينګ د دغو لوبو په پرانيستونکو مراسمو کې وينا وکړه او ويې ويل، چې د بېجينګ د ژمنيو اولمپيک لوبو او د هاربين اسيايي لوبو په جوړېدو سره به د واورو او کنګلونو سپورټ ډېر مروج او د نړۍ دغه سپورټونه به لا فعال شي.
د چين لوبغاړو په اتمه نېټه د دغو لوبو په لومړۍ ورځ د سروزرو اته، د سپينو زرو ۸ او د برونزو ۴مډارونه تر لاسه کړي او لومړی مقام يې نيولی. د معلوماتو له مخې، په وروستيو کلونو کې د چين په ژمنيو سپورټي لوبو کې چټک پرمختګ شوی، چې څه د پاسه ۳۰۰ميليونه چينايان په کې ګډون کوي او د واورو او کنګلونو سپورټ کې د چين د سيالۍ توان په څرګند ډول لوړ شوی دی.
اسيا په نړۍ کې تر ټولو پراخ مساحت او زيات نفوس لري، چې په تېرو پنځوسو کلونو کې يې اقتصاد هم چټک پرمختګ موندلی او د ټولې نړۍ د اقتصادي زياتوالي لپاره يې ستر خدمتونه تر سره کړي دي. آسیا په داسې حال کې پرمختګ کړی چې په نړۍ کې له سلو کلونو راهيسې بې ساري بدلونونه رامنځته شوي، جیوپولیټیکي سياسي سيالۍ سختې شوې او يو اړخيزم او د سوداګرۍ ساتنې غوښتنه په پر له پسي توګه د سختېدو په حال کې ده او نړۍ له ډېرو فرصتونو او ننګونو سره مخ ده.
د هاربين ژمنۍ اسيايي لوبې د ژمي خوب او له مينې ډکه اسيا په عنوان تر سره کېږي چې ستر اهميت لري او د اسيا د خلکو سوله غوښتنه، پرمختګ او يووالي ګډ اميد پکې ښکاري.
د چين دولت رئيس شي جين پينګ د سوکالۍ او دوستۍ ، سمسورتيا او پرمختګ په اړه د ټولو د ګډ خوب د رښتیا کېدو او د يووالي او همکاريو ګډ اميد د عملي کولو په اړه درې فقره ايز وړانديزونه کړل او د دې لوبو له لارې يې خپله هيله څرګنده کړه. د چين د ولس پوهنتون د دولتي پرمختګ او ستراتيژۍ د څيړنې اکاډمۍ مرستيال شو چين هوا د چین میډیا ګروپ خبريال ته وويل، چې دغه وړانديزونه د شي جين پينګ لخوا د امنيت، پرمختګ، تمدونونو په اړه د درېيو نړيوالو وړانديزونو له روحيې سره سمون خوري او د انسانانو د پرمختګ لپاره د سمې لارې لټولو لپاره د چين مسئوليت ښيي.
چين تل د اسيا د اقتصادي پرمختګ لپاره لارښوونکی رول لري، چې د واورو او کنګلونو سپورټ، کولتور او سيلانۍ په شمول اړوندې چارې یې پرمختګ کړی او په دې سره د واورو او کنګلونو ارزښتونه ښکاره شوي دي.
اوسمهال نورو هېوادونو ته د سفر په مسیر کې په چين کې له ويزې پرته د ۲۴۰ ساعتو لپاره د پاتي کېدو تګلارې په تطبيق سره د واورو او کنګلونو سپورټ لا زيات بهرني سيلانيان راجلب کړي دي. د روان کال د پسرلني اختر په موده کې هاربين ښار ۱۲ميليون ۱۵۰زره سيلانيان راجلب کړي، چې د سيلانۍ لګښتونه څه د پاسه ۱۹ميليارډ يوانو ته رسيدلي دي. د اټکل له مخې، تر ۲۰۳۰م کال پورې به د چين د واورو او کنګلونو په برخه کې د اقتصاد عمومي اندازه ۱ اعشاریه ۵ ټریلیونو يوانو ته ورسېږي. د سينګاپور د یوې خبري رسنۍ د خبر له مخې، د چين د واورو او کنګلونو اقتصاد په پرمختګ به نړۍ ته لا زيات فرصتونه برابر کړي.
اسيا او نړۍ د دغو لوبو له لارې يو پرانيستی، ميلمه پال او عصري چين ګوري. هاربين ښار د چين د واورو او کنګلونو د عصري سپورټ سرچينه ده، چې د واورو او کنګل کولتور او اقتصاد د باکيفيته پرمختګ يو نوی انجن او د ورخلاصون نوې لار ګرځيدلیدی. د بريتانيې د يوې خبري رسنۍ په قول په دغو لوبو کې سل په سلو کې له زرغونې برېښنا استفاده شوې، د نوې انرژۍ موټر ډېر کارول کېږي. د پاکې انرژۍ کارول د دغو لوبو يوه ځانګړتيا ده، نړۍ هم کولی شي چې د دغو لوبو له لارې د چيني شکله عصري کېدو بڼه وګوري.
د هاربين د ژمنيو اسيايي لوبو تر سره کول د واورو او کنګلونو سپورټ د پرمختګ هڅونه کوي او د اسيا د ۴ميليارډ او ۷۰۰ميليونه تنه خلکو يووالی ټينګوي او دا د نړيوال اقتصاد په ګټه دي.
