د کډوالو چارو وزارت: پرون ۲۳۴ کورنۍ هیواد ته را ستنې شوې دي

د کډوالو او را ستنېدونکو چارو وزارت خبر ورکړی، چې پرون له ګاونډیو هیوادونو څخه ۲۳۴ کورنۍ را ستنې شوې دي. د مالوماتو له مخې د تورخم له لارې ۷۰، د قندهار د سپین بولدک له لارې ۴۰، د نيمروز د ورېښمو پله له لارې ۳۸ او د هرات د اسلام کلا له لارې ۸۶ کورنۍ هېواد ته راستنې شوې دي. دغه راز ۴۲۹ راستنو شويو ته وړيا سيمکارتونه وېشل شوي، ۴۷ کورنۍ خپلو سيمو ته لېږدول شوې او سلګونو کورنيو ته مرستې هم وېشل شوې دي.