زلمی خلیلزاد: د مذاکراتو په بېرته پیلولو کې دې ځنډ نه راوستل کېږي

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد په تازه څرګندونو کې ویلي چې د مذاکراتو دواړه لوري په شل ورځنۍ رخصتۍ تللي دي او تمه ده چې په ټاکلې نېټه بېرته مذاکرات له سره پيل کړي. دده په خبره د مذاکراتو په بېرته پیلولو کې دې هېڅ راز ځنډ نه راوستل کېږي. خلیلزاد دغه راز پر روان تاوتریخوالي هم اندېښنه ښودلې ده او زیاتوي چې تاوتریخوالی باید کم شي. هغه ټینګار کړی چې یوې سیاسي هوکړې ته رسېدل تاوتریخوالی کمولی شي. خلیلزاد داسې مهال دغه څرګندونې کوې چې تر دې وړاندې افغان حکومت په افغانستان کې د مذاکراتو د پاتې پړاوونو د مخ ته بېولو غوښتنه کړې وه.