د چين سوداګرۍ وزارت په وروستيو کې « د ډېر توليدي ظرفيت مسئلې په هکله د چين دريځ » خپور کړی او په سيستماتيکه توګه يې په دغه هېواد کې د ډېر توليدي ظرفيت په اړه تورونه رد کړي دي.
سي جي ټي اېن په مجازي نړۍ کې يوه سروې ترسره کړې، چې له مخې يې ۸۱ اعشاريه ۷ سلنه ګډونوالو له هغو هېوادونو سره مخالفت ښودلی، چې د جيوپوليټک سياست او د سوداګرۍ محافظت په موخه د ډېر توليدي ظرفيت نظریې خپروي او پر بېلا بېلو لارو نور هېوادونه بدناموي.
د سروې اکثرو ګډونوالو د اقتصاد او تجارت مسئلې ته د سیاسي رنګ ورکولو او هم یې د امنيتي نظريې د پراخېدو پر کړنو نيوکې کړې دي.
د سروې ۸۷ سلنه ګډونوالو ويلي، په بازار کې د عرضې او تقاضا نابرابري عادي ده او په دايمي متوازن حالت کې نه پاتې کېږي.
د سروې ۸۴ اعشاريه ۷ سلنه ګډونوالو بیا ويلي، مختلف اقتصادونه د توليد د کارولو انډول د معقول حد لپاره بېل تعریف لري او په نړۍ کې یې متحد معيار نه شته.
د سروې ۸۱ سلنه ګډونوالو ويلي، د سوداګرۍ ساتنې تګلاره د نړيوال اقتصاد د پرمختګ په بهير کې خنډونه جوړوي او د عادي سوداګريز ميکانيزم لپاره هيڅ ګټه نه لري او هم د توليدي چارو د جوړښت او پرمختګ معقول سيسټم خرابوي.
