سوداګرې مېرمنې خپلو توکو ته د نړۍوال بازار غوښتنه کوي

په کابل کې د افغانستان نړیوال ننداراتون په نوم د کورنیو تولیداتو د نندارتون ګډونوال خپلو تولیداتو ته په کور دننه او نړیواله کچه د بازار موندنې غوښتونکي دي. په دغه نندارتون کې له بېلابېلو ولایتونو ښځینه سوداګرو او صنعتکارانو هم برخه اخیستې ده. دوی هم خپل تولیداتو ته په نړیواله کچه بازار غواړي او تر څنګ یې مېرمنو سوداګرو او صنعت کارانو ته د ځانګړو بازارونو د جوړولو غوښتنه هم کوي. دا پنځه ورځنی نندارتون چې د تېرې پنجشنبې په ورځ پیل شوی او سبا ورځ به هم دوام وکړي، ۵۵۰ تولیدي شرکتونو په‌کې خپل تولیدات نندارې او پېرودلو ته ايښي دي.