د پاکستان لومړي وزیر عمران خان افغانستان ته د پنځه میلیارده کلدارې مرستې ورکړه تایید کړه. د پاکستان لومړي وزیر عمران خان پر خپله ټوېټر پاڼه لیکلي چې د خپلې کابینې له غړو سره یې په یوه غونډه کې هغه فرمان لاسلیک کړی چې له مخې به یې له افغانستان سره پنځه میلیارده پاکستانۍ کلدارې مرسته کوي.
پاکستان تر دې وړاندې ددغه بشري مرستې د ورکړې ژمنه کړې وه، خو لومړي وزیر عمران خان اوس په رسمي توګه تایید کړې ده. عمران خان دغه راز ویلي چې دوی له افغانستان سره د بشري مرستو ملاتړي دي او د نړۍ پر هېوادونو یې غږ کړی چې له دغه هېواد سره خپلې مرستې ډېرې کړي.
پاکستان د امریکا له کانګریس هم غوښتي چې د افغانستان اقتصادي وضعیت دې تر دې نور نه ترینګلی کوي او د کنګل شوو شتمنیو د ازادولو لپاره دې لاس په کار شي.
