له ۶ زرو متخصصینو څخه د اکمال تخصص آزموینه واخیستل شوه

د آزموینو ملي ادارې د عامې روغتیا وزارت په همکارۍ له څه باندې شپږ زرو متخصصینو څخه د اکمال تخصص آزموینه واخیسته. د آزموینو ملي ادارې مشر د آزموینې د روڼتیا ډاډ ورکړی او ټینګار یې کړی چې ځوانان باید په خپله وړتیا تر یو ځایه ورسېږي او له واسطو او سپارښتنو څخه ډډه وکړي. نوموړي د هېواد په پرمختګ او بیارغونه کې د ځوانانو رول مهم بللی او ټینګار يې کړی چې په ټولو برخو په ځانګړې توګه د روغتیا په برخه کې باید د افغانانو اړتیاوو ته جدي پاملرنه وشي د عامې روغتیا وزارت د اکمال تخصص رییس ډاکټر محمدحیدر عمر وویل چې دوی به هڅه وکړي چې په راتلونکي کې خپل تشکیلات زیات او لا ډېر متخصصین په دولتي روغتونونو کې جذب کړي.نوموړي وویل په ټوله کې ۶۲۲۰ ډاکټرانو نوم لیکنه کړې چې پکې نږدې ۱۲ سوه ښځینه ډاکټرانې هم شته.