ملګرو ملتونو له کوېټ غوښتي چې له افغانانو سره بشردوستانه مرستې وکړي. د راپورونو له مخې په افغانستان کې د ملګرو ملتونو د پراختیایي ادارې مسوول کوېټ ته تللی دی او د کوېټ فونډ له مشر او چارواکو سره کتلي دي.
په دې لیدنه کې یې د یاد بنسټ له مسوولینو غوښتي څو له افغانستان سره بشردوستانه مرستې وکړي او افغانان له بېوزلۍ وژغوري. کوېټ فونډ هم ژمنه کړې چې له افغانانو سره به بشردوستانه مرستې کوي او هڅه یې دا ده چې وکړی شي د روان بشري ناورین په کابو کولو کې اغېزناک تمام شي.
کوېټ بنسټ په عربي نړۍ کې مشهور خیریه بنسټ ګڼل کېږي چې هڅه کوي له د نړۍ په ګوټ ګوټ کې اړمنو ته مرستې ورسوي.
