په ننګرهار کې د صنعتي فابریکو مسوولین د اسانتیاوو د برابرولو غوښتنه کوي. د راپورونو له مخې په ننګرهار کې شاوخوا سلو صنعتکارانو له افغان حکومت غوښتي چې ددغه ولایت په شیخ مصري بابا صنتعي ښارګوټي کې له دوی سره د ځمکې د ورکړې مرسته وکړي.
دوی وایي اوسني نرخونه د ځمکو د اخیستلو لپاره ډېر لوړ دي او حکومت دې د پانګونې په موخه دوی ته په دې چاره کې اسانتیا راولي. د ننګرهار د صنعت او سوداګرۍ خونو هم ویلي چې یاد سوداګر د ځمکو د ارزانه کولو غوښتونکي دي او تمه لري چې افغان حکومت یې غوښتنو ته پاملرنه وکړي.
