پاکستان له ترکمنستان څخه د افغانستان له لارې ګاز واردوي

د پاکستان حکومت اعلان کړی چې د انرژۍ د سرچینو د کمښت له کبله به د ژمي په موسم کې له ترکمنستان څخه مایع ګاز د افغانستان له لارې وارد کړي. پاکستاني رسنیو ویلي. چې د افغانستان د لاریو چلوونکي به د چمن له دروازې د تورغنډۍ تر سرحده تش ټانکرونه لېږدوي او بېرته به د ګازو ټانکرونه چمن ته رسوي. راپور کې ویل شوي چې دې هېواد ته د ګاز واردات به ډېر ژر پیل شي، خو په راپورونو کې ویل شوي چې په لنډ مهال او اوږدمهال کې د دې ستونزې د حل لپاره یوکال وخت ته اړتیا شته. پاکستان د زیات نفوس د لرلو له کبله ډېری وخت په دوبي کې د برېښنا او په ژمي کې د ګاز له کمښت سره مخامخ کېږي.