په ملګرو ملتونو کې د چين دایمي استازي فو څونګ د مې په ۱۹مې نېټې د منځني ختيځ په اړه د امنيت شورا بېړنۍ غونډې ته په وينا کې له بېلا بېلو خواوو غوښتي، چې له زغم کار واخلي او د خليج د وضعيت د سختېدو مخه ونيسي.
فو څونګ ويلي، امريکا او ايران له يوې مودې راهیسې اوربند ساتلی، خو لا يې هم ترمنځ د تاوتريخوالي د بيا پورته کېدو خطرونه شته دي.
نوموړي ويلي، اوس د دواړو هېوادونو وضعیت له جګړې څخه سولې ته د بدلېدو په حال کې دی، نو په داسې حال کې بېلا بېلې خواوې دې له زغم کار واخلي، د اوربند ترتیبات دې رعايت کړي او له غیر مسئولانه خبرو او خطر منونکو کړنو څخه دې ډډه وکړي.
هغه پر نړيوالې ټولنې غږ کړی، چې د منځني ختیځ په اړه روښانه پيغام ورکړي او د اوربند له خرابوونکو او د تقابل پاروونکو کړنو سره دې ډاګيز مخالفت وښيي.
فو څونګ ويلي، چین امريکا او ايران هڅوي چې د ستونزو پر سياسي حل ټينګار وکړي او د مذاکراتو له لارې اختلافات حل کړي او يوه داسې حللاره چې د بېلا بېلو خواوو غوښتنې پکې په پام کې نيول شوې وي، پيدا کړي.
فو څونګ د امريکا او ایران په مسئله کې د پاکستان منځګړيتوب ستايلی دی.
