پکتیا؛ مرکزي بندخونه کې د ۴ پروژو چارې بشپړې شوې دي

د پکتیا د مرکزي بندخونې مسوولین وایي، چې په دغه بندخونه کې د نږدې ۱۰ میلیونه افغانیو په لګښت د څلورو پروژو چارې بشپړې او ګټې اخیستنې ته سپارل شوې دي. په دې اړه جوړو شویو مراسمو کې د زندانونو چارو سمون ادارې تخنیکي مرستیال مولوي بلال فاتح ویلي، چې اوس د افغانستان په ټولو بندخونو کې د ځورونې پر ځای زده‌ کړو ته زمینه برابره شوې او مجرمین له حبس وروسته سالم فکر او فني مهارتونه ترلاسه کوي. د نوموړي په خبره زیات شمېر بندیان د خپلو کورنیو اقتصادي ملاتړ ته رسېدلي دي.