پکتیکا کې د ۳ بنسټيزو پروژو چارې پيل شوې

د پکتيکا ولایت په چهاربران ولسوالۍ د جلال سوداګریز ګروپ له لوري د یو ميليون او ۱۰۰ زره ډالرو په لګښت د ۳ بنسټيزو پروژو چارې پيل شوې دي. د یاد سوداګریز ګروپ مشر رسنیو ته ویلي چې په دغو پروژو کې د ۲۲۵ دوکانونو په لرلو یو لوی تجارتي مرکز، د ۲۲ خونو په لرلو یو معیاري روغتون او د یوه جامع جومات جوړول شامل دي، چې د جوړېدو چارې به یې د ۶ میاشتو په موده کې بشپړې شي. دا په داسې حال کې ده، چې په هېواد کې ډاډمن امنیت پانګوال دې ته هڅولي چې د ښارونو ترڅنګ د یاد ولایت په لرو پرتو سیمو او ولسوالیو کې هم په ډاډه زړه پانګونه وکړي.