کورنیو چارو وزارت: هیچاته د کوکنارو د کښت او قاچاق اجازه نه ورکوو

کورنیو چارو وزارت وايي، سرپرست حکومت له نشه ‌يي توکو سره مبارزې ته ژمن دی او هېچا ته به اجازه اجازه ورنکړي چې په هېواد کې د کوکنارو کښت او نشه ‌يي توکو قاچاق وکړي. د کورنیو چارو وزارت د نشه يي توکو پر وړاندې د مبارزې معینیت زیاتوي، تر دا مهاله يې څه باندې ۷ زره تورن کسان نیولي او شاوخوا ۹ زره هکټاره ځمکه يې د کوکنارو له کښته پاکه کړې ده. ورته مهال یو شمېر کروندګر زیاتوي، حکومت باید بزګرانو ته د کوکنارو د کرلو د مخنیوي لپاره بدیل معیشت ورکړي. د کورنیو چارو وزارت د نشه‌ يي توکو پر وړاندې د مبارزې معینیت د اطلاعاتو پر بنسټ، د سرپرست حکومت له بیا واکمنېدو راهیسې د نشه ‌يي توکو د کښت او قاچاق د مخنیوي په موخه څه باندې ۶ زره عملیات تر سره شوي چې په پایله کې يې ۴ زره ټنه نشه ‌يي توکي نیول شوي دي.