یونېسف: سړې هوا او ناروغیو تر اوسه سلګونه افغان ماشومان وژلي

د ملګرو ملتونو له ماشومانو د ملاتړ صندوق وايي چې په افغانستان کې په جنورۍ میاشت کې د سړې هوا او ناروغیو له امله په سلګونه ماشومان مړه شوي دي. د ملګرو ملتونو د ماشومانو د ملاتړ صندوق پر خپله ټوېټر پاڼه لیکلي، د افغانستان سخت ژمي زیانمنونکو سیمو ته درنه مرګ ژوبله اړولې ده. پېښو ته د رسېدو په چارو کې د دولت وزارت د شمېرو له مخې، په وروستۍ یوې نیمه میاشت کې په هېواد کې ۱۸۰ تنه د سختې سړې هوا او طبیعي پيښو له امله مړه شوي او دېرش تنه نور ټپیان شوي دي.  تر دې وړاندې مرستندویو بنسټونو په تېره بیا یونېسف په بهرنیو موسسو کې د ښځو پر کارکولو پر بندیز نیوکه کړې ده او په دغو بنسټونو کې یې د ښځو پر وړاندې د محدودیتونو پر لغوه کېدو ټینګار کړی دی.