افغانستان به د سيپیک پروژې له لارې د سیمې هېوادونو سره وصل شي

د بهرنیو چارو وزارت مرستیال ویاند وايي، چې له سی‌پیک اقتصادي دهلیز سره په نښلېدو به افغانستان د سیمې او له اروپايي هېوادونو سره وصل شي. نووموړي ویلي، چې د چین او پاکستان د اقتصادي دهلیز له نښلېدا سره به افغانستان وکولی شي د سیمې او اروپا له هېوادونو سره وصل شي او په دې توګه به پانګونه جذب کړي. د بهرنیو چارو وزارت ویاند زیاته کړې، چې په هېواد کې د امنیت له خوندي کېدو سره اوس اړتیا ده، چې له سي‌پیک سره د نښلېدا په ګډون نورې سترې او نړیوالې پروژې پلې شي.