افغان پناه غوښتونکي: لا هم د ابوظبۍ کمپ کې بې برخلیکه ژوند کوو

د ابوظبۍپه کمپ کې افغان پناغوښتونکي وايي، له تېرو ۱۸ میاشتو راهیسې په بې برخلیکه حالت کې ژوند کوي.دوی وايي که څه هم د پناه غوښتنې قضیې د منلو په خاطر څو ځلې له دوی سره مرکې شوي، خو تر اوسه یې برخليک معلوم نه‌دی. افغان پناغوښتونکي ادعا کوي چې په ابوظبۍ کمپ کې له ډېرو ستونزو سره مخ دی، خو نه‌شي کولی د خپلو ستونزو په خاطر غږ پورته کړي. د افغان پناه غوښتونکو استازی زیاتوي چې د روغتیايي خدمتونو کیفیت ډېر ټيټ دی او ډېر پناغوښتونکي له رواني ستونزو سره مخ شوي. که څه هم د امریکا او کاناډا دولتونو له دې کمپ څخه ډېر پناه غوښتونکي انتقال کړل خو ځینې یې اوس هم په دې کمپ کې پاتې دي.