امریکايي سناتورانې: بایډن باید افغان مېرمنو ته واضح طرحه ولري

د امریکا د سنا ټولو ښځينه غړو له بایډن غوښتي چې د افغان مېرمنو د حقونو په اړه خپل دريځ روښانه کړي. دغه سناتورانو په یوه لیک کې د بایډن له ادارې غوښتي چې ژر تر ژره دې امریکایي سناتورانو ته په افغانستان کې د مېرمنو د حقونو خوندي کولو او له دوی سره د مرستې لپاره خپله طرحه او پلان روښانه کړي. دوی وايي په افغانستان کې له نوو تحولاتو سره مېرمنې زده کړو او کار ته لاسرسی نه لري او بشري مرستو ته اړتیا لري. امریکایي سناتورانې وايي د امریکا حکومت باید ژر تر ژره د مرستندویه بنسټونو او ملګرو ملتونو له لارې په افغانستان کې د بېوزله مېرمنو لاسنیوی وکړي، د زده کړو لپاره یې دې هڅې وکړي او له مرستندویه بنسټونو سره دې د خپلې همکارۍ څرنګوالی روښانه کړي.