امریکا وایي تر افغانستان وروسته په منځني ختیځ کې د خپل حضور د پياوړي کولو لپاره کار کوي. یوه امریکايي جنرال رسنیو ته ویلي دوی دمګړی په منځني ختیځ کې پياوړی حضور لري، خو دا چې په سیمه کې له ګڼو هېوادونو سره په سیالۍ کې دی، نو هڅه کوي چې له افغانستان تر وتلو وروسته په منځني ختیځ کې پیاوړی حضور ولري.
سرچینه وایي چې دوی به پر خپلو وړتیاوو، تاسیساتو او نظامي قوت له سره کتنه کوي او د پياوړتیا لپاره به یې اړین ګامونه اوچتوي. دمګړی د امریکا تر ټولو ستره اډه په منځني ختیځ کې په قطر کې ده چې له هغه ځایه په سوریه، عراق او افغانستان کې خپل فعالیتونه تنظیموي.
