امریکا له قطر غوښتي؛ چې له افغان سولې سره خپلې همکارۍ ډېرې کړي

د امریکا د بهرنیو چارو وزیر انټوني بلینک د قطر له لومړي وزیر او ددغه هېواد د بهیرنیو چارو له وزیر محمد بن عبدالرحمن سره پر افغان سوله خبرې کړې دي. د راپورونو له مخې بلینکن په دې ټلیفوني مکالمه کې د سولې په برخه کې د قطر پر رول خبرې کړې او ددغه هېواد همکاري یې اړینه بللې ده. نوموړي د قطر له هڅو د مننې تر څنګ له دغه هېواد غوښتي چې د سولې په برخه کې خپله همکاري ډېره کړي. قطر هم په دې تلیفوني مکالمه کې ډاډ ورکړی چې له افغان سولې سره به خپلې همکارۍ ډېروي او هڅه کوي دلته د روانې جګړې په ختمولو کې خپل مثبت رول ته ادامه ورکړي.