امریکا ۷ نورې جنګې هلیکوپټرې افغانستان ته ورکړې

دفاع وزارت وايي، امریکا له افغانستان سره د اوو هلیکوپټرو مرسته وکړه. د دفاع وزارت مرستیال ویاند فواد امان ویلي چې ټاکل شوې دغه هلیکوپټرې نن د افغانستان هوايي ځواک ته وسپارل شي. هغه ویلي چې په راتلونکو میاشتو کې به له افغانستان سره د نورو هلیکوپټرو مرسته هم وشي. امریکايي چارواکو تر دا مهاله له افغانستان سره د هليکوپټرو د نوې مرستې په اړه څه نه دي ویلی. خو تر دې مخکې يې دا ډول مرستې کړې دي. دا په داسې حال کې ده چې په دې وروستیو کې د افغانستان په بېلابېلو ولایتونو کې جګړو زور اخیستی او تر بل هر وخت هوايي ځواک ته اړتیا زیاته شوې ده.