د ایران د فارس خلیج تنګي ادارې د اګست په ۲۳مې نېټې په یوې اعلاميې کې ويلي، هغه کښتۍ چې په هرمز تنګي کې له ایراني مقرراتو څخه سرغړونه وکړي، نو د جریمې، نيولو او ضبط په څېر محدودیتونو سره به مخ شي.
په اعلامیه کې ویل شوي، هغه کسان، چې غواړي د فارس خلیج له لارې کښتۍ کرايه کړي، باید د فارس خلیج تنګي ادارې له لوري خپور شوی د غیر قانوني کښتیو لېست وګوري، څو له احتمالي ستونزو سره مخ نه شي.
هغه کښتۍ، چې له غیر قانوني کښتیو سره همکاري وکړي، نو په یاد لېست کې به شاملې شي او په داسې حال کې باید، مسئول کس له یاد لېست څخه د کښتۍ د لرې کولو لپاره، نوموړې ادارې ته رسمي غوښتنلیک وسپاري او خپل معقول دلایل ورته وړاندې کړي.
