ا.ا: کنګل شوې پیسې دې خیریه موسسو ته نه ورکول کیږي

د ا.ا د بهرنیو چارو وزارت وايي، د افغانستان د کنګل شویو پیسو له جملې ۳.۵ میلیارده ډالر چې د امریکا محکمې يې په اړه پرېکړه کړې ده خیره موسسو ته دې نه ورکول کیږي. د امریکا ولسمشر جو بایډن تیره میاشت د یو فرمان په لاسلیک سره ویلي‌ و چې د افغانستان بانک شاوخوا ۳.۵ ملیارده ډالر به له افغانانو سره د بشرې مرستو په هدف خیره موسسوته ورکړل شي. او پاتې ۳.۵ ملیارده به یې په امریکا کې پاتې وي تر څو پورې چې د سپټمبر د ۱۱ مې د قربانیانو د دعوې پریکړه نه وې شوي. خو د ا.ا د بهرنیو چارو وزارت ویلي چې امیر خان متقي د افغانستان لپاره د امریکا له ځانګړي استازي سره لیدنه کې دواړو لورو توافق کړی چې دغه پسې به په هیڅ صورت خیره موسسو ته نه ورکول کیږي. ا.ا وایي چې امیر خان متقي تېره ورځ په ترکیه کې د انتالیا فورم ناستې وروسته د افغانستان لپاره د امریکا له ځانګړي استازي ټام وست سره کتلي دي. ا.ا ویلي، چې د افغانستان ټولې کنګل شوي پیسې دې د افغانستان بانک په اختیار کې ورکړل شي.