بایډن ترکیې ته د مرستو لپاره خپل ټیم استوي

د امریکا ولسمشر جو بایډن وايي چې په ترکیې او سوریې کې د شوې زلزلې له کبله سخت خواشینی شوی دی. په همدې حال کې د سپینې ماڼۍ په خپرې شوې بیانیې کې د ولسمشر بایډن له خولې ویل شوي دي چې امریکا به خپل ټیم ترکیې ته استوي چې د ژغورنې او پلټنې په عملیاتو کې مرسته وکړي. اعلامیه وايي چې جوبایډن امریکايي چارواکو ته لارښوونه کړې چې له ترکیې اړخونو سره تماس ونیسي او مرستې همغږي کړي او دا خبره یې هم کړې ده هغه بشري سازمانونه، چې امریکا يي مرسته کوي، په سوریه کې به همکاري کوي. د امریکا د ملي امنیت مشاور جیک سلیوان ویلي چې دوې پلټونکې ډلې،‌ چې هره یوه یې ۷۹ غړي لري، ترکیې ته استول شوي دي.