بدخشان کې د روغتیايي پوهاوي کمپاین ۳۷ زره کسان تر پوښښ لاندې راوستي

د روغتیا نړیوال سازمان (ډبلیو اېچ او) ویلي، په بدخشان کې د روغتیايي خطرونو په اړه د پوهاوي کمپاین څه باندې ۳۷ زره کسان تر پوښښ لاندې راوستي دي. دغه سازمان په اېکس کې لیکلي، کمپاین په افغانستان کې د اروپايي ټولنې په مالي ملاتړ ترسره شوی او موخه یې د روغتیايي خطرونو او له هغو سره د مقابلې د لارو په اړه د خلکو د پوهاوي لوړول وو. د د روغتیا نړیوال سازمان په وینا، ښځې د دغه کمپاین له ګټه‌اخیستونکو ۶۰ سلنه جوړوي. یاد سازمان ویلي، اړمنو ټولنو ته د روغتیايي معلوماتو رسول بهیر به دوام ولري.