بدخشان کې د متشبثو ښځو کاروبار وده کړې ده

په بدخشان ولایت کې د ښځو د لاسي صنایعو بازار د تاجکستان او بدخشان تر منځ د ګډ بازار له پرانیستلو وروسته غوړېدلی دی. د بدخشان په اشکاشم ولسوالۍ کې یو شمېر ښځینه متشبثې وايي، چې د پولې د دواړو غاړو ته اوسېدونکو ته د ګډو بازار له پرانیستل کېدو وروسته، د دوی کاروبار ښه شوی او په دې ولسوالۍ کې د لاسي صنایعو تولید ډېر شوی دی. د بدخشان د صنایعو او سوداګرۍ ریاست مسوولین بیا وايي، چې اوسمهال د دغه ولایت په ۱۵ ولسوالیو کې له ۸۰۰ ښځې په سوداګریزو کارونو بوختې دي.