بلخي: له امریکا پاتې پوځي تجهیزات اوس د افغانستان دي

د بهرنیو چارو وزارت ویاند عبدالقهار بلخي له «سي‌بي‌اېس نیوز» شبکې سره په خبرو کې ویلي، چې په افغانستان کې د امریکا پاتې شوي پوځي تجهیزات اوس د افغانستان د حکومت اړوند دي. بلخي د امریکا د ولسمشر ډونالډ ټرمپ د هغو غوښتنو په غبرګون کې، چې د دغو تجهیزاتو د بېرته سپارلو غوښتنه یې کړې، ویلي چې ا.ا د افغانستان د حکومت پر شتمنیو معامله نه کوي. هغه زیاته کړې، که څه هم دغه تجهیزات د امریکايي مالیه ورکوونکو په پیسو اخیستل شوي، خو امریکا په افغانستان کې د خپل حضور پر مهال ډېر کسان وژلي او د هېواد ډېره برخه یې ویجاړه کړې ده؛ نو باید لومړی د دغو زیانونو بیه ورکړي.