تاجکستان او امریکا له افغانستان سره پر بشردوستانه مرستو خبرې کړې دي. د راپورونو له مخې د افغانستان لپاره د امریکا ځانګړي استازي توماس ویسټ تاجکستان ته تللی او ددغه هېواد د بهرنیو چارو له وزیر سره یې کتلي دي.
په دې لیدنه کې د ګڼو مسایلو تر څنګ د افغانستان په اړه هم خبرې شوې دي. دواړو لورو دلته په روان امنیتي، سیاسي او بشري وضعیت بحثونه کړي دي او ټینګار یې کړی چې له افغانستان سره د بشردوستانه مرستو اړتیا ده.
تاجکستان ژمنه کړې چې په افغانستان کې د امنیت په ټامین او دغه راز له افغانانو سره د بشردوستانه مرستو د رسولو په برخه کې له نړیوالې ټولنې سره همکاریو ته ادامه ورکوي.
