ترانسپورټ وزارت: د هېواد ټول هوايي ډګرونه فعاله او الوتنې ترې کېږي

د ترانسپورټ او هوانوردۍ وزارت وایي چې په هېواد کې ټول هوایي ډګرونه فعاله او ترې نړیوالې الوتنې ترسره کیږي. د دغه وزارت لخوا په یوه خپره شوې خبرپاڼه کې راغلي چې د افغانستان ټول نړیوال او کورني هوايي ډګرونه فعال دي .سرچینې زیاته کړې،د مهالوېش له مخې له دغو هوایي ډګرونو په نورمال ډول ترکیې، متحده عرب امارات، ایران، پاکستان، ازبکستان، روسيې، سعودي عربستان، قطر او ځینې نورو هېوادونو ته الوتنې کيږي. دغه وزارت ویلي، هغه کسان چې د سفر اسناد (پاسپورټ، ویزه، او ټکټ) ولري کولای شي سفر وکړي.