ترکیې په افغانستان کې د بېړني اوربند غوښتنه کړې ده

د ترکیې د بهرنیو چارو وزارت په تازه خپره کړې خبرپاڼه کې په غزني کې د تېرې ورځې برید په کلکو ټکو غندلی او په افغانستان کې یې وروستی تاوتریخوالی بوږنوونکی بللی دی. د ترکیې د بهرنیو چارو وزارت وایي چې په افغانستان کې د روانې جګړې د ژر درېدو، تاوتریخوالي د کمولو او بېړني اوربند اړتیا ده. یاد هېواد هیله څرګنده کړې چې طالبان او افغان حکومت وکړی شي ژر تر ژره یوه دایمي اوربند ته سره ورسېږي. ترکیې تر دې وړاندې هم ژمنه کړې چې د افغان سولې له بهیر سره بشپړ همکار دي او ملاتړ یې کوي.