توماس ویسټ: له افغانستان سره د تعامل ملاتړی یم

امریکا وايي له افغانستان سره د تعامل ملاتړي دي. د افغانستان لپاره د امریکا ځانګړي استازي ټوماس وېسټ په تازه مرکه کې ویلي چې دوی په افغانستان کې د دایمي ثبات او د افغانستان د خلکو د هوساینې ملاتړي دي. دده په خبره دې موخې ته د رسېدو لپاره یوازینۍ لار دا ده چې له اوسني حکومت سره د تعامل او مذاکراتو ور پرانیستی وي. هغه د افغانستان د کنګل شوې شتمنۍ آزادول هم مهم ګڼلي دي او په خبره یې دا په دې مانا ده چې امریکا د افغانستان خلکو ته ځانګړې پاملرنه لري. نوموړي وویل د خپل ماموریت په اوږدو کې هڅه کوي د افغانانو او امریکايي وګړو لپاره تر ټولو ښه اقدامات ترسره کړي. هغه همدا راز ویلي چې د افغانستان بانک خپلواکي باید وساتل شي او په خبره یې دمګړی د افغانستان شتمني د افغانستان بانک او نوي حکومت ته د سپارلو نه ده.