تېره اونۍ د کانونو له درکه نږدې ۴۰۳ میلیونه افغانۍ عواید راټول شوي

د کانونو او پټروليم وزارت تېره اونۍ نږدې ۴۰۳ ميليونه افغانۍ او ۱.۱۲۵ ميليونه امريکايي ډالره عوايد را ټول کړي دي. د کانونو او پټروليم وزارت وايي چې د تلې له اوومې تر ۱۳ مې نېټې يې ۴۰۲ ميليونه، ۸۳۶ زره او ۹۳۲ افغانۍ او دغه راز يو ميليون او ۱۲۵ زره امريکایي ډالره عوايد را ټول کړي دي. د کانونو او پټروليم وزارت د وږي له ۳۱ مې بيا د تلې تر اوومې نېټې پورې ۶۲۷ ميليونه، ۷۰۹ زره او ۹۳ افغانۍ او دغه راز يو ميليون او ۱۲۵ زره امريکايي ډالره عوايد را ټول کړي وو. د دغه وزارت چارواکي وايي چې د فساد په مخنيوي او د کانونو را سپړلو ته د زمينې په برابرولو سره يې د عوايدو کچه د پام لوړه شوې ده.