حقاني: د القاعدې هېڅ غړی په افغانستان کې حضور نه لري

د کورنیو چارو سرپرست وزیر سراج الدین حقاني ويلي، القاعده په افغانستان کې پوځي ځواک نه لري او دغه شبکه اوس نړیوال امنیت ته ګواښ نه دی. نوموړي یوې هندۍ شبکې ته په افغانستان کې د القاعد حضور رد کړی دی. حقاني ويلي، د القاعدې هېڅ غړی په افغانستان کې پوځي حضور نه لري او دغه شبکه له افغانستان څخه د سیمې هېوادونه نشي ګواښلی. ده په خپلو خبرو کې څرګنده کړې، چې ا.ا له داعش سره په جګړه کې دی او په دې برخه کې له نړیوالې ټولنې سره په خپلو ژمنو ولاړ هم دی. سراج الدین حقاني ویلي ا.ا له نړۍ او اسلامي هېوادونو سره د داعش په اړه پر کړیو ژمنو ولاړ دی او د دې ډلې پر ضد يې ګامونه پورته کړي دي.