حنیف اتمر: نړیوال دې پر فلسطینیانو د اسراییلو ظلمونه پای ته ورسوي

افغان حکومت یو ځل بیا د اسراییلو له لوري د فلسطین پر خاوره وروستی تېری او ظلم غندلی دی. د بهرنیو چارو وزیر حنیف اتمر د فلسطین د بهرنیو چارو له وزیر ریاض المالکي سره په تلیفوني مکالمه کې ویلي چې دوی له فلسطیني وګړو سره د اسراییلي سرتېرو ناوړه او وحشیانه چلند په کلکو ټکو غندي او له نړیوالو غواړي چې ددغه وحشت مخنیوی وکړي. حنیف اتمر ویلي چې دوی له فلسطیني وګړو سره د خپلې همدردۍ مراتب شریکوي او پر اسلامي او سوله پالو هېوادونو غږ کوي چې په دغه هېواد کې د رامنځ ته شوي ناورین د پای ته رسولو لپاره هڅه وکړي. اتمر زیاته کړې چې نړیوال باید په دې برخه کې رغنده رول ولوبوي او د فلسطین مظلوم ولس دې د اسراییلو له ظلمونو خلاص کړي.