د افغانستان بانګ په ټولو بانکونو د کاري ساعتونو موده غځولې ده

د افغانستان بانک مسوولینو خبر ورکړی، چې دغه بانک، د روژې مبارکې میاشتې له ۲۵مې نېټې څخه د کوچني اختر تر ورځې پورې د جمعې ورځې په ګډون، د کاري ساعتونو موده غځولې ده. د افغانستان بانک مسوولین وایي، چې دوی درنو هېوادوالو ته د غوره بانکي خدمتونو وړاندې کولو او اړينو آسانتياوو د رامنځته کولو په موخه، د کاري ساعتونو موده د سهار له ۷ بجو څخه د مازیګر تر ۴:۳۰ بجو پورې غځولې ده. د مسوولینو په خبره، د هېواد په مرکز او ولایتونو کې د افغانستان بانک او د سوداګریزو بانکونو نمایندګۍ مکلفې دي، چې د افغانستان بانک له پرېکړې سره سم هېوادوالو ته خدمتونه وړاندې کړي.