د بلخ والي د شپږو هېوادونو له کونسلګرانو سره کتلي دي

د بلخ سرپرست والي د سره صلیب د رییس په ګډون د شپږو هېوادونو له کونسلګرانو سره په لیدنه کې ویلي چې سرپرست حکومت د خپلې پالیسۍ سره سم له نړۍ سره «مثبت» تعامل غواړي. د بلخ ولایت د خبرپاڼې له مخې، والي په دغه لیدنه کې ویلي، « سره له دې چې په افغانستان کې امنیت ټینګ دی، فساد له منځه تللی او له نشه یي توکو سره په کلکه مبارزه شوې، خو بیا هم نړۍ نه غواړي افغانستان په رسمیت وپېژني.» هغه له کونسلګرانو غوښتي تر څو نړۍ ته د افغانستان د ریښتیني انځور په وړاندې کولو سره خپل مسوولیتونه ادا کړي. خبرپاڼه دغه راز زیاتوي چې د بلخ ولایت سرپرست له دغو کونسلګرانو غوښتي چې په هېواد کې له زلزله ځپلو او راستنېدونکو کډولو سره مرستې وکړي.