د عامې روغتیا وزارت پلاوي انقره کې د یوه ترکي شرکت له مسولینو سره کتلي دي

د عامې روغتیا وزارت په خپره کړې خبر پاڼه کې ویلي، چې د روغتیایي خدمتونو د وړاندې کولو مرستیال مولوي عبدالولي حقاني په مشرۍ ترکیې ته تللي افغان پلاوي په انقره کې د «سیلا هولډینګ» شرکت له مسولینو سره کتلي دي. د مالوماتو له مخې د یاد شرکت مسولینو د روغتیایي بنسټونو د رغولو او د روغتیایي تجهیزاتو د تولید په اړه افغان پلاوي ته هر اړخیزه معلومات ورکړي. ورته مهال مولوي عبدالولي حقاني په دې کتنه کې ویلي، چې د عامې روغتیا وزارت هڅه کوي چې د هېواد روغتیایي ادارې په نویو او عصري تجهیزاتو سمبال کړي.